Ginanap ang Cultural Mapping Training and Workshop na pinasinayaan ng Laguna Tourism Culture Arts and Trade Office, kasama ang Los Baños Tourism Office at sa ilalim ng paggabay ng mga cultural mapping facilitators ng UPLB Department of Social Sciences noong ika-5 hanggang 9 ng Agosto 2024 sa Laresio Resort sa Tadlac, Los Baños, Laguna. Ang layunin ng training ay upang gabayan ang mga piling bayan ng Lalawigan ng Laguna sa kanilang pagsasaliksik at pagdodokumento sa kani-kanilang mga kamanahang kultural at lokal na kasaysayan. Ito ay isang pagtulong sa tugon ng pangangalaga ng kamanahang kultura ng bayan at ang mas malalim na pagkilala sa kani-kanilang mga pamayanan. Ang aktibidad ay bahagi ng “Soksay sa Barangay, Barangay sa Soksay”—programang paglilingkod bayan ng departamento.